ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން ރައްޔިތުންނަށް ޚިދުމަތްކުރުން.
ކޮޅުމަޑުލު ގުރައިދޫ ކައުންސިލަކީ ޤާނޫނު ނަންބަރު: 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ) ޤާނޫނުގެ ދަށުން އުފައްދާފައިވާ ޤާނޫނީ ޝަޚުސެކެވެ. މި ކައުންސިލްގައި ކޮޅުމަޑުލު ގުރައިދޫ ރައްޔިތުންގެ ވޯޓަކުން އިންތިޚާބުކޮށްފައިތިބި 5 ކައުންސިލަރުން ތިއްބަވައެވެ.
އަދި ކައުންސިލުން ނިންމާ ނިންމުންތައް ތަންފީޒުކުރުމަށްޓަކައި ސިވިލްސަރވިސްގެ މުވައްޒަފުން ހިމެނޭގޮތަށް ކައުންސިލްގެ އިދާރާއެއްވަނީ ޤާއިމްކޮށްފައެވެ. މިގޮތުން މިއިދާރާ އުފެދިފައިވަނީ ކޮޅުމަޑުލު ގުރައިދޫގައެވެ. މި ކައުންސިލްގެ މައިގަނޑު މަސައްކަތަކީ ޤާނޫނުއަސާސީއާއި ޤާނޫނާއި އެއްގޮތްވާ ގޮތުގެމަތިން ރަށް ހިންގައި، ރަށް ތަރައްޤީކޮށް، ލާމަރުކަޒީ ޤާނޫނުގައި ބަޔާންކޮށްފައިވާ ގޮތުގެމަތިން ރަށްވެހިކަމުގެ ޚިދުމަތްތައް ދިނުމެވެ.
Guraidhoo Council Factsheet
އެންމެހައި ރައްޔިތުންނަށް އަމާން، ދުޅަހެޔޮ، އިޤްތިޞާދީ ގޮތުން ފުދުންތެރި، ތިމާވެއްޓާ ރައްޓެހި އަދި ޒަމާނީ ވަޞީލަތްތަކުން ފުރިހަމަވެފައިވާ ތަރައްޤީވެފައިވާ ރަށަކަށް ގުރައިދޫ ހެދުން.
ޤާނޫނީ އިމުގެ ތެރެއިން ދެފުށް ފެންނަ، ޒިންމާދާރު އުޞޫލުތަކަކުން ރައްޔިތުންގެ ބައިވެރިވުމާއެކު ރަށްވެހިކަމުގެ ފުރިހަމަ ޚިދުމަތްތައް ފޯރުކޮށްދީ، ދެމެހެއްޓެނިވި ތަރައްޤީ ކަށަވަރުކުރުން.